РИО-ДЕ-ЖАНЕЙРО. ҚазАқпарат - Қазақстан Республикасы Ұлттық Олимпиадалық комитетінің және Қазақстандық бокс федерациясының президенті Тимур Құлыбаев боксшы Данияр Елеусіновті Олимпиада ойындарындағы алтын медалімен құттықтады, деп хабарлады Риодағы ҚазАқпарат тілшісі.
Құттықтауда былай делінген:
«Құрметті Данияр!
Қазақстан Республикасы Ұлттық Олимпиадалық комитеті, Қазақстандық бокс федерациясы және өз атымнан Сізді Рио-де-Жанейродағы XXXI жазғы Олимпиада ойындарындағы жеңісіңізбен шын жүректен құттықтаймын.
Олимпиада ойындары барысындағы өнеріңізге тек Қазақстан халқы емес, бүкіл әлем тәнті болды. Сіз мықты қарсыласпен болған финалдық жекпе-жекте айқын басымдылық танытып, Олимпиада чемпионы атағын жеңіп алдыңыз.
Қол жеткізген жетістігіңіз - күнделікті қажырлы еңбектің, бойыңыздағы дарындылық пен шеберліктің нәтижесі.
Сізге сәттілік және жаңа жетістіктер тілеймін!»
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.