Тимур Сүлейменов Freedom Bank-тен кешбэк алған клиенттердің салық декларациясын тапсыруы туралы пікір білдірді

АСТАНА. KAZINFORM –Сенат отырысынан кейін журналистер Ұлттық банк төрағасы Тимур Сүлейменовтен Freedom Bank-тен кешбэк алған клиенттердің неге салық декларациясын тапсыруға міндеттелгенін сұрады. 

— Бізде салық заңнамасы баршаға ортақ. Егер табыстың қандай бір түрі салық кодексі тұрғысынан салық салынатын табыс болып есептелсе кімнің банк картасы, қандай қаржылық өнім екеніне қарамайды, — деді ол.

Тимур Сүлейменов Freedom-ның кешбэгі неге құнды қағаз болып есептелетінін салық органдарынан нақтылау керектігін айтты.

Ал кеше Жоғары аудиторлық палата төрағасы Әлихан Смайылов елде ірі салық төлеушілерге мониторинг жүйесіз жүргізілетінін сынаған еді.