АСТАНА. ҚазАқпарат - Филиппиндік боксшы Мэнни Пакьяо WBO нұсқасы бойынша орта салмақтағы әлем чемпионы титулы үшін болған жекпе-жекте австралиялық Джефф Хорннен жеңіліп қалды.
Үш төреші де жеңісті 29 жастағы Хорнға берді. Төрешілер есебі: 117-111, 115-113, 115-113.
Алғашқыда Мэнни Пакьяо басым түскенімен тоғызыншы раундтан кейін Хорн жағдайды түзеп, жеңіске жетті.
Айқас Австралияның Брисбен қаласында өтті. Бұл әйгілі филиппин боксшысының спорттық мансабындағы жетінші рет сүрінуі, ал әзірге ешкім жеңіп көрмеген австралиялық боксшының 17-інші жеңісі.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.