АСТАНА. ҚазАқпарат - Беларусьте өтіп жатқан Тәуелсіз мемлекеттер достастығы елдерінің ойындары аясында әйелдер күресінен сынға түсетін балуандар белгілі болды, деп хабарлайды ҚазАқпарат тілшісі.
Бұл бәсеке 13 тамызда Солигорск қаласында өткізіледі. Онда еліміздің атынан Камила Апекова (50 келі), Мәдина Жеңісқызы (53 келі), Айнұр Әшімова (55 келі), Асылзат Сағымбай (57 келі), Гүлдана Бекеш (59 келі), Жангүл Болат (62 келі), Жұлдыз Такисбай (65 келі), Бейбіт Сейдуалы (68 келі), Ақмарал Азанқызы (72 келі) мен Анастасия Панасович (76 келі) бақ сынайды.
Еске салсақ, бұдан бұрын қазақстандық дзюдошы Қанат Нұркелді Беларусьта өтіп жатқан ТМД елдері ойындарының күміс жүлдегері атанды.
Ол финалда ресейлік қарсыласына есе жіберді. Одан бұрын ресейлік және өзбекстандық қарсыластарынан басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.