АСТАНА. KAZINFORM — Қазақстандық «Тобыл» Еуропа лигасы бірінші іріктеу сатысында Словакияның «Ружомберок» командасымен ойнайды.
Бүгін, 18 маусымда Швейцарияның Ньон қаласында 2024/2025 жылғы маусымдағы Еуропа лигасы бірінші іріктеу кезеңінің жеребесі тартылды.
Қазақстандық «Тобыл» Еуропа лигасы бірінші іріктеу сатысында Словакияның «Ружомберок» командасымен ойнайтын болды.
Алғашқы ойын 11 шілде өтсе, қарымта ойын 18 шілдеге жоспарланған. Бірінші ойын сырт алаңда өтеді.
Аталған турнирде елордалық «Астана» командасы екінші іріктеу сатысынан бастайды.
Айта кетсек, бұдан бұрын Чемпиондар лигасы бірінші іріктеу кезеңінің жеребесі тартылды.
Еліміздің атынан аталған турнирде сынға түсетін қазақстандық «Ордабасы» Молдованың «Петрокуб» командасымен ойнайды.
Ал 19:00-де Конференция лигасы бірінші іріктеу сатысының жеребесі тартылады.
Оған еліміздің атынан «Ақтөбе» командасы қатысады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.