Бүгін, 24 қыркүйекте футболдан Премьер-лига командалары арасындағы Қазақстан біріншілігінің 22-турында «Тобыл» өз алаңында «Жетісудан» жеңіліп қалды, деп хабарлайды ҚазАқпарат тілшісі.
Қостанайдың «Тобылы» өз алаңында Талдықорғанның «Жетісу» командасын қабылдады.
Командалар турнир кестесінде қатарлас келеді. Десе де, қостанайлық клуб үшін үздіктер қатарына жақындауы үшін бүгін жеңіске жетуі тиіс болатын.
Кездесу барысында алаң иелері қатарынан Ислам Чесноков 34-минутта есеп ашты. Ал одан кейін «Жетісу» сапынан Анес Рушевич 44, Нұрберген Нұрбол 53-минутта мергендік танытты.
Осылайша «Тобыл» қарсыласына 1:2 есебімен жол берді.
Дәл қазір Шымкентте жергілікті «Ордабасы» өз алаңында елордалық «Астанамен» кездесіп жатыр.
Сондай-ақ, бүгін «Оқжетпес» пен «Атырау» командалары 0:0 есебімен тең түсті.
Ал 24 қыркүйекте «Қызылжар» мен «Ақтөбе», «Қайрат» пен «Шахтер» 0:0 есебімен тең ойнаса, «Мақтарал» «Ақсудан» 2:0, «Қайсар» «Каспийден» 3:1 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.