АСТАНА. KAZINFORM - Қостанайлық «Тобыл» командасы сапында биыл шабуылшы Годберг Купер өнер көрсетеді. Ол ел біріншілігі тарихында Италия елінен келген тұңғыш футболшы атанды.
Годберг Купер 1997 жылы 20 тамызда Италияның Бергамо провинциясында дүниеге келді. Жергілікті «Аталанта» клубының академиясында тәлім алған.
Кәсіби мансабын италиялық «Аурора Сериата» клубында бастап, одан кейін бірнеше жыл бойы Албания, Македония және Португалия біріншілігінде доп тепті. Ойыншыны осыған дейін 2023 жылы келісім-шартқа отырған румыниялық «UTA Arad» сапында болды.
Қостанайлық клуб легионерлер құрамы толық жасақталғанын атап өтті. Олардың қатарында ресейлік Альберт Габараев, сербиялық Иван Миладинович, Игорь Иваноич, сенегалдық Папа Ндайе, косоволық Давид Домжени, нигериялық Эдедем Эссьен, украиналық Евгений Шахов, болгариялық Радослав Цонев, марокколық Ахмед Эль-Мессауди, тоголық Давид Энен бар.
Еске салсақ, бұған дейін украиналық футболшы Игорь Пластунның биыл «Ордабасы» клубында ойнайтынын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.