Бүгін қостанайлық клуб сырт алаңда Гибралтардың «Линкольн Ред Импс» командасымен қарымта ойын өткізді.
Ойын барысында 31-минутта «Тобыл» сапынан Зоран Тошич мергендік танытты. Осылайша ол өз командасына жеңіс сыйлады.
«Тобыл» қарсыласын 1:0 есебімен сүріндіріп, жарыстың келесі сатысына жолдама алды.
Екі команда арасындағы алғашқы кездесуде қостанайлық клуб 2:0 есебімен басым түскен болатын.
Айта кетсек, аталған жұптың жеңімпазы үшінші іріктеу сатысында «Тирана» (Албания) және «Зриньски» (Босния и Герцеговина) жұбының жеңімпазымен кездеседі. Ойындар 4 және 11 тамыз күндері өткізіледі.
Сондай-ақ, екінші іріктеу сатысында қазақстандық «Астана» Польшаның «Ракув» командасынан 0:5, «Қайрат» Венгрияның «Кашвердасынан» 0:1, «Қызылжар» Хорватияның «Осиегінен» 1:2 есебімен жеңіліп қалды.
Аталған командалар қарымта кездесуді 28 шілде күні өткізеді.