НҰР-СҰЛТАН. ҚазАқпарат - Футболдан UEFA Конференция лигасында Қостанайдың «Тобылы» жарыстың үшінші сатысынан аса алған жоқ, деп хабарлайды ҚазАқпарат тілшісі.
«Зриньски» командасы 1905 жылы құрылған. Өзінің елінде жеті мәрте чемпион атанды.
Екі команда 2010/11 жылғы кезеңде Еуропа лигасында бір мәрте шеберлік байқасты. Екеуінде де аталған клуб 2:1, 2:1 есебімен жеңіске жетті. Сол кеткен есені «Тобыл» қайтара ала ма?
Кездесу барысында босниялық команда сапынан Марио Чуже 34-минутта есеп ашып кетті. Оған 53-минутта қостанайлық командадан Серж Дебле таразы басын теңестірді.
Кездесу 1:1 есебімен тең аяқталды.
Екі команда арасындағы алғашқы кездесуде «Зриньски» 1:0 есебімен басым түскен еді.
Жарысты жалғастыруға «Зриньски» мүмкіндік алды.
Айта кетсек, бүгін Петропавлдың « Қызылжары « Кипрдің «АПОЭЛ» командасына жол берді.
Еске салсақ, бұдан бұрын Конференция лигасы екінші іріктеу сатысында «Астана» және «Қайрат» жарыс жолынан шығып қалды.
Фото: sports.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.