«Жаңа айтқанымдай, келіссөздер мемлекеттеріміз арасындағы әріптестіктің барлық қырларын қозғады. Байланыс саласы болсын, экономикалық салада да, инвестиция саласында да және әрине негізгі халықаралық проблемаларға деген көзқарастарымыз талқыланды. Қазақстан-Ресей күн тәртібіндегі негізгі тақырыптарды ашық әрі өзара сенім тұрғысынан талқыладық.
Елдеріміздің арасындағы жан-жақты байланыстардың табысты дамып жатқанына көңіліміз толатынын атап өттік. Өзара тиімді әріптестіктің орасан әлеуетін ескере отырып, саяси, экономикалық, инвестициялық және мәдени-гуманитарлық байланысты тереңдетуге екі жақ та талпынатынын растадық», - деді Қасым-Жомарт Тоқаев.
Айта кетейік, Ресей Федерациясының астанасында ҚР Президенті Қасым-Жомарт Тоқаев пен РФ Президенті Владимир Путин келіссөз жүргізді.
Мемлекет басшысының Ресейге жұмыс сапары аясында бірқатар құжатқа қол қойылды.