Тоқаев Қазыханмен Қазақстанның G20 саммитіне қатысуға дайындығын талқылады

АСТАНА. KAZINFORM — Мемлекет басшысы АҚШ бойынша Арнайы өкіл Ержан Қазыханды қабылдады.

Фото: Ақорда

Ақорданың баспасөз қызметінің хабарлауынша, Президент өзінің Америка Құрама Штаттарымен екіжақты ынтымақтастықтың өзекті мәселелері бойынша келіссөз процесіндегі өкілі Ержан Қазыханды қабылдады.

Қасым-Жомарт Тоқаевқа АҚШ Президенті Дональд Трамптың шақыруымен G20 саммитіне қатысу үшін Майамиге жоспарланған алдағы сапарға дайындық барысы баяндалды.

Мемлекет басшысы Қазақстан-Америка кеңейтілген стратегиялық серіктестігін одан әрі дамыту жөнінде нақты міндеттер жүктеді.

Еске салайық, бұған дейін Мемлекет басшысы Қасым-Жомарт Тоқаев Ресей Жоғарғы сотының төрағасы Игорь Красновты қабылдағанын жазғанбыз.