ТОКИО. ҚазАқпарат - Токио Олимпиадасында дзюдошы Дидар Хамза алғашқы белдесуінде қарсыласынан жеңіліп қалды, деп хабарлайды ҚазАқпарат.
Қазақстандық спортшы 81 келі салмақта татамиге шықты. Ол Моңғолия атынан сынға түсіп жатқан ирандық Саид Моллаимен күресті.
Саид Моллаи - тәжірибелі спортшының бірі. 2018 жылы әлем чемпионы атанса, сол жылы Азия ойындарында күміс жүлдегер болды.
Белдесу барысында Дидар қарсыласына иппон әдісімен есе жіберіп қойды.
Еске салсақ, Олимпиадада 60 келіде Елдос Сметов қола жүлдегер атанды.
Ал Отгонцэцэг Галбадрах (48 келі) пен Ерлан Серікжанов (66 келі) жарыс жолынан шығып қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.