Том Литтл: Сондерстің Головкинді жеңуі әбден мүмкін
08:19, 03 Сәуір 2017
АСТАНА. ҚазАқпарат - Британдық боксшы Том Литтл iFL TV берген сұхбатында өз отандасы Билли Джо Сондерстің (24-0, 12 КО) қазақстандық Геннадий Головкинмен (37-0, 33 КО) болуы ықтимал айқастағы мүмкіндіктеріне баға берді, деп хабарлайды Sports.kz.
- Сондерс - үлкен әрі күшті орта салмақ боксшысы, ол Головкинге оңай қарсылас болмайды. Менің ойымша, Сондерс Головкиннен басым түсіп, бокс әлемінде үлкен апсет жасайды», - деп мәлімдеді Литтл.
Головкин - Сондерс айқасы 10 маусым күні Астанада өтеді деп күтілуде. Қазіргі уақытта боксшылардың промоутерлері Том Леффлер пен Фрэнк Уоррен келіссөздер жүргізіп жатыр.