АСТАНА. KAZINFORM - Черногорияның Будва қаласында өтіп жатқан бокстан жастар арасындағы әлем чемпионатындаТөрехан Сабырхан (67 келі) жартылай финалға өтті.
Қазақстандық боксшы ширек финалда өзбекстандық Акбар Ахмадовты жеңді. Енді ол жартылай финалда қытайлық боксшымен қолғап түйістіреді.
Төрехан бұдан бұрын черногориялық Милош Роганович пен ауғанстандық Самир Хамдамды тізе бүктірді.
Қазақстандық боксшы жастар мен жасөспірімдер арасында төрт мәрте Азия чемпионаты атанды.
Айта кетсек, бұдан бұрын әлем чемпионатында ширек финалда Диас Берікбай (48 келі) испандық қарсыласын 3:2 есебімен жеңді. Оның жартылай финалдағы қарсыласы - Сайфиддин Сабиров (Өзбекстан).
Еске салсақ, бұдан бұрын Әнел Абдрасилова мен Аружан Жаңабаев жартылай финалға өтті.
Әлем чемпионаты 3 қарашаға дейін созылады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.