АСТАНА. ҚазАқпарат - Велосипедшілердің халықаралық одағы (UCI) британдық велошабандоз Крис Фрумға 2017 жылғы «Вуэльта» көпкүндігі кезінде тапсырған допинг сынамасында сальбутамол заттегінің допингке қарсы ережелер нормасынан асып кеткенін ескертті. Бұл жайлы ұйымның баспасөз қызметі ТАСС агенттігіне хабарлады.
Допинг сынамасы 2017 жылдың 7 қыркүйегі күні Фрум жеңіске жеткен беделді веложарыс кезінде алынды. «Б» сынамасы да теріс нәтиже берген.
Фрум «Тур де Франстың» төрт дүркін жеңімпазы (2013, 2015, 2016, 2017). Өткен маусымда ол «Үлкен петля» және «Испан вуэльтасы» веложарыстарында жеңіске жетіп, 1978 жылы бір жылда аталмыш екі турда жеңіске жеткен француздық Бернар Инодан кейінгі бірінші және тур тарихындағы үшінші велошабандоз атанды.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.