ОРАЛ. ҚазАқпарат - Батыс Қазақстан облысы Қазталов аудандық №2 сотының үкімімен Қараөзен ауылының тұрғыны ҚР ҚК 200-бабы 1-бөліміне (көлік құралын айдап кету) сәйкес айыпты деп танылып, ол бір жылға бас бостандығынан шектелді.
БҚО сотының баспасөз қызметінен түскен мәліметке қарағанда, ол сонымен қатар жәбірленушіге келтірілген 30 мың теңге залалды өтейді. Сот үкім шығарған кезде оның шын көңілмен өкінгендігін және жастығын ескерді.
Сот талқысында белгілі болғанындай, сотталушы Н. деген азаматқа тиесілі «Беларусь» тракторын «рұқсатсыз» айдап кеткенімен қоймай, оны аударып тынған. Сөйтіп техника иесіне 30 мың теңге көлемінде шығын келтірген.
Сот үкімі заңды күшіне енген жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).