Келісім жаңа әкімшілікке президенттік өкілеттіктердің ауысуын бастауға және федералды үкімет беретін ресурстарға, мысалы, федералды агенттіктерге тиесілі қызметкерлер мен жазбаларға қол жеткізуге мүмкіндік береді.
Ақ үй аппаратының жаңа басшысы Сюзи Уайлс меморандумға қол қою «сыни маңызды дайындықтарды» бастауға мүмкіндік беретінін мәлімдеді.
«АҚШ-тың жаңадан сайланған президенті Трамп жаңа министрлер кабинетіне іріктеу процесін аяқтағаннан кейін Джо Байденнің Ақ үйімен өзара түсіністік туралы меморандумға қол қою арқылы өз әкімшілігінің ауысуының келесі кезеңіне өтіп жатыр», — делінген С. Уайлс мәлімдемесінде.
Бұл құжат мүдделер қақтығысын болдырмау туралы уәдені және құпия және жария емес ақпаратты қорғау міндеттемесін қамтиды.
Сайлау науқаны кезінде Трамптың командасы Ақ үймен өзара түсіністік туралы меморандумға қол жеткізу үшін қазанның 1-іне дейін белгіленген мерзімді өткізіп алып, бұрынғы шенеуніктер, этика сарапшылары мен заң шығарушылардың өткір сынына ұшырады.
Бұған дейін хабарлағанымыздай, Трамптың бұрынғы кеңесшісі Ұлттық экономикалық кеңесті басқаруы мүмкін.