Трамп АҚШ әскеріне йемендік көтерілісші хуситтерге қарсы әрекетті бастауды тапсырды

АСТАНА. KAZINFORM – АҚШ президенті Дональд Трамп америкалық Қарулы Күштерге йемендік көтерілісші хусиеттерге қарсы қуатты соққы беруді тапсырды, деп хабарлайды ВВС.

- Мен бүгін АҚШ Қарулы Күштеріне йемендік террорист хуситтерге сенімді де қуатты әрекет етуге бұйрық бердім, - деп жазды Трамп Truth Social әлеуметтік желісінде.

АҚШ президенті бұл шешімін хуситтердің америкалық және өзге де кемелерді, ұшақтар мен ұшқышсыз ұшатын аппараттарды атқылауды тоқтатпай жатқанымен түсіндірді.

- Тррорист хуситтерге айтарым, уақыттарың келді, шабуылдарды бүгіннен бастап тоқтатуларың керек. Олай болмаған жағдайда сендерді өздерің бұрын-соңды көрмеген тозақ күтіп тұр, - деп жазды АҚШ президенті.

- Біздің ержүрек әскерлеріміз америкалық теңіз, әскери-теңіз активтерін қорғап, кемелердің еркін қозғалысын қамтамасыз ету үшін тап қазір террористер, олардың көшбасшылары мен зымыранға қарсы жүйелеріне әуеден соққы беріп жатыр, - деді.

Ол сонымен қатар Иранды хуситтерге қолдау көрсетуді тоқтатуға шақырды.

- АҚШ пен оның халқына, қоқан-лоқы жасауды тоқтатыңдар. Егер сіздер бұл әрекетті тоқтатпасаңыздар, ол үшін жауап беретін боласыздар, -деп ескертті Трамп.

Осыған дейін хуситтердің Қызыл теңізде АҚШ танкері Madoға шабуыл жасағаны туралы жаздық.

Сондай-ақ БҰҰ өз қызметкерлерінің хуситтер қолына түсуіне байланысты Йемендегі кейбір операцияларын тоқтатқаны туралы жаздық.