Трамп АҚШ пен Украина арасында барлау ақпаратын алмасу қайта жанданғанын мәлімдеді

АСТАНА. KAZINFORM – АҚШ президенті Дональд Трамп АҚШ пен Украина арасында барлау ақпаратын алмасу қалпына келгенін мәлімдеді, деп хабарлайды ВВС. 

Ол сондай-ақ Сауд Арабиясында америкалық және украиндық шенеуніктердің алдағы келіссөздерінен жақсы нәтиже күтетінін айтты.

Ақпарат алмасуды қайта бастауды қарастырып жатыр ма деген сұраққа Трамп: 

— Біз мұны дерлік жасадық, — деді. 

Сауд Арабиясындағы келіссөздерге қатысты ол: «Осы аптада үлкен жетістіктерге жететінімізге сенемін» деді. 

Киевпен барлау мәліметтерін алмасудың тоқтатылуы өткен аптада америкалық әскери көмектің аяқталуымен байланысты.

Бұған дейін АҚШ Украинаға барлау бойынша қандай көмек көрсеткенін жазған едік.