Трамп файлдарға не кіретіні туралы қосымша мәлімет берген жоқ, бірақ ол редакцияланбаған құжаттарды жариялауды көптен уәде берді.
Ақ үйдегі екінші мерзімі басталғаннан кейін бірнеше күн өткен соң Трамп бұрынғы президент Кеннеди мен доктор Мартин Лютер Кингті өлтіруге қатысты барлық үкіметтік құжатты жариялауды талап ететін атқарушылық жарлыққа қол қойды.
Джон Кеннедидің өлтірілуі ұзақ уақыт бойы қастандық теорияларын, соның ішінде Трамптың өзі қолдаған теорияларды күшейтті. Құжаттардың жариялануын тарихшылар да тағатсыздана күтті.
1992 жылғы заң үкіметтен президент Кеннедидің өлтірілуіне қатысты құжаттарды ұлттық қауіпсіздікке нұқсан келтіруі мүмкін құжаттарды қоспағанда, 25 жыл ішінде жариялауды талап етті. 2017 жылы Трамп кейбір қосымша құжаттарды жариялады, бірақ ол сонымен бірге барлау агенттіктеріне файлдарды бағалауға көбірек уақыт берді.
Ұлттық мұрағаттар мен құжаттар басқармасының мәлімдеуінше, үкімет 1992 жылдан бері қараған шамамен 320 мың құжаттың 99 пайызын жариялады. Алайда мыңдаған құжат әлі де толығымен немесе ішінара жасырылған болып қалып отыр.
Бұған дейін Трамп Кеннеди мен Мартин Лютер Кингке жасалған қастандықтың бетін ашпақшы екенін жазған болатынбыз.