Трамп Мемлекеттік департаменттің баспасөз хатшысы қызметіне Тэмми Брюсті ұсынды

АСТАНА.KAZINFORM — АҚШ-тың жаңадан сайланған президенті Дональд Трамп Fox News журналисі Тэмми Брюс АҚШ Мемлекеттік департаментінің баспасөз қызметінің жаңа басшысы болатынын мәлімдеді, деп хабарлайды Kazinform агенттігінің меншікті тілшісі.

— Мен Тэмми Брюстің Мемлекеттік департамент өкілі ретінде Мемлекеттік хатшы лауазымына кірісетінін мақтанышпен хабарлаймын, — деп жазды Трамп әлеуметтік желідегі жазбасында.

— Тэмми — MAGA-ның күші мен маңыздылығын ерте түсінген өте құрметті саясаттанушы. Ол Оңтүстік Калифорния университетінде саясаттану мамандығы бойынша бакалавр дәрежесін алды және 1990-шы жылдары либерал белсенді ретінде радикалды солшылдардың өтірігі мен алаяқтықтарын көрді және тез арада радио мен теледидардағы ең ықпалды консервативті дауыстардың біріне айналды, — деді Дональд Трамп.

Тэмми Брюс Мемлекеттік хатшы лауазымына кандидат Марко Рубиомен жұмыс істейді және 2023 жылдан бері Мемлекеттік департаменттің баспасөз хатшысы қызметін атқарған Мэттью Миллердің орнын басады.

Бұған дейін республикашыл Майк Джонсон АҚШ Өкілдер палатасының спикері болып қайта сайланғанын хабарлаған едік.