Трамп пен Зеленский не туралы сөйлесті
АСТАНА. KAZINFORM – Украина бұқаралық ақпарат құралдары келісөздер аяқталмаған соң Зеленскийдің шұғыл Ақ үйден шығып кеткенін жазды, деп хабарлады ВВС.
Ақ үй екі ел президенттерінің келіссөздерінен соң ұйымдастырылуы тиіс болған бірлескен баспасөз мәслихатының өтпейтінін растады.
АҚШ президенті Дональд Трамп Truth Social парақшасында келіссөздердің бұзылғанын білдіретін мәлімдеме жариялады.
- Бүгін Ақ үйде біз үшін өте маңызды кездесу болды. Біз осындай қызу әңгіменің және қысымның әсерімен болмаса басқадай жағдайда еш түсінуге болмайтын нәрселер туралы білдік. Эмоция арқылы шыққаны таңқалдырады. Менің түсінгенім, Зеленский АҚШ араласқалы отырған бейбітшілікке дайын емес. Ол біздің қатысуымыз келіссөздер барысында оған үлкен басымдық береді деп ойлайды. Маған басымдық керек емес, маған бейбітшілік керек, - деді АҚШ президенті.
- Зеленский АҚШ үшін қасиетті жерде құрметсіздік танытты. Ол бейбітшілікке дайын болғанда қайта келе алады, - деді Трамп.
Кездесу бойына және баспасөз мәслихаты барысында Трамп бірнеше мәрте өзінің бейітшілікті қолдау миссиясы туралы айтты.
- Егер мен олардың арасына тұрмағанда (Ресей мен Украинаның) ешқандай да келісім болмайтын еді, - деді ол.
Сондай-ақ Трамп Зеленскийдің Путинді жек көретінін, Ресей басшысының да оны жақсы көрмейтінін айтты.
- Сіздер менің қатал болғанымды қалайсыздар ма, мен бұрын соңды сіздер көрмеген адамдай қатал бола аламын, бірақ Сіздер ондай жағдайда ешқашан келісімге да келе алмайсыздар, -деді Трамп.
Ол өзінің тек АҚШ мүдесі үшін ғана әрекет ететінін жеткізді.
- Мен Путині қолдап отырған жоқпын, мен ешкімді де қолдамаймын. Мен тек АҚШ-ты қолдаймын, - деп мәлімдеді президент.
Трамп пен Зеленский қауіпсіздік кепілдігі туралы сұрақ қойылғанда аса қызбалықпен болмаса да бір-бірімен дауласып қалды.
Трамп бұл пролеманың бергі жағы ғана және істелуі тиіс істің 2 пайызы ғана екенін айтты.
Зеленский атысты тоқтату еш нәтиже бермейтінін, себебі Путиннің Украинаны жек көретінін жеткізді. Сол себепті атысы тоқтатуға Украина қанағаттанбайды, оған қауіпсіздік кепілдігі керек.
Осыған дейін тараптар арасында туындаған дау туралы жазған едік.