Трамп WSJ-ге жарияланған мақаладан кейін медиамагнат Мердокты сотқа берді

АСТАНА. KAZINFORM — АҚШ президенті Дональд Трамп Wall Street Journal газетінің баспагері, медиамагнат Руперт Мердокқа және журналистерге Джеффри Эпштейнге арналған ашықхат туралы мақалаға байланысты жала жапқанын айтып, сотқа берді, деп хабарлайды CNBC.

18 беттен тұратын мәлімдемеде Трамптың заңгерлер тобы Wall Street Journal бас компаниясы News Corp-ті «журналистикалық этика мен ақпарат сенімділігі стандарттарын өрескел бұзды» деп айыптайды.

Айыпталушылар арасында мақала авторлары, медиамагнат Руперт Мердок, газеттің өзі және WSJ бас редакторы Роберт Томпсон бар. Трамп тарапы шығын үшін кемінде 10 миллиард доллар талап етті.

CNBC хабарлауынша, шағым Джеффри Эпштейнге 2003 жылы оның 50 жылдығына берілген хаттар жинағына қатысты мақалаға байланысты болып отыр. Оның ішінде Трамптың аты жазылған жазба мен жалаңаш әйелдің сұлбасы бар ашық хат болған.

Бірақ мәлімдемеде журналистер авторы Трамп деп отырған хат пен сурет жарияланбағандығы айтылған.

— Бұл шалалықтардың себебі — түпнұсқа хат немесе сызба жоқ, — деді Трамптың адвокаты сотта.

Бұған дейін Трамп Эпштейнмен байланысы туралы жазғаны үшін Wall Street Journal-ды сотқа беремін деп қорқытқан.