Тараптар екіжақты стратегиялық әріптестікті нығайту, сауда-экономикалық және инвестициялық байланыстарды кеңейту, сондай-ақ Транскаспий халықаралық көлік бағытын дамыту мәселелерін талқылады.
Кездесу барысында Қазақстан мен Грузия арасындағы стратегиялық әріптестіктің қазіргі жай-күйі мен оны нығайту перспективалары, сондай-ақ екіжақты ынтымақтастықтың басым бағыттары қарастырылды.
Тараптар жоғары деңгейде қол жеткізілген уағдаластықтарды іске асыруға, сауда-экономикалық және инвестициялық байланыстарды кеңейтуге, көлік-логистика саласындағы өзара іс-қимылды дамытуға ерекше назар аударды. Осы тұрғыда Транскаспий халықаралық көлік бағытының әлеуетін ашу жөніндегі бірлескен жұмыстың маңыздылығы атап өтілді.
Сонымен қатар алдағы екіжақты іс-шараларға, соның ішінде Сауда-экономикалық ынтымақтастық жөніндегі үкіметаралық комиссияның кезекті отырысына дайындық мәселелері, сондай-ақ екі елдің іскер топтары арасындағы тікелей байланыстарды дамыту жолдары қарастырылды.
Осыған дейін Қазақстан мен Грузия интернет-алаяқтыққа қарсы күресті күшейтетіні туралы жаздық.