Тректегі велоспорттан әлем чемпионатында Қазақстан командасы қандай нәтиже көрсетті

АСТАНА. KAZINFORM – Баллерупте (Дания) тректегі велоспорттан әлем чемпионаты аяқталып, спортшылардың нәтижесі белгілі болды. Бұл туралы Olympic.kz хабарлады. 

Отандық құрамадағы үздік спортшы болып Кирилл Курдиди танылды. Ол гит бойынша финалға жетіп, онда 7-орыннан көрінді. Омниум бойынша жарыс жолына шыққан Рамис Дінмұхаметов 18-орын алса, шығып қалуға жарыстан 14-орыннан көрінді.

Қуалап жарысудан Илья Қарабұтов 20-орынға жайғасты. Ал Әлішер Жұмақан ұпай бойынша 16-шы болып келді.

Кейрин бойынша Кирилл Курдиди 23-ші болып жетсе, Илья Қарабұтов скрэтч бойынша жүлде алу үшін барын салды, нәтижесінде мәреге 19-шы болып кесті. 

Айта кетелік, чемпионатқа Қазақстан атынан барлығы төрт спортшы қатысты.