«Тұлғаны биометриялық сәйкестендіру» автоматтандырылған ақпараттық жүйесі құрылуда
«Дактилоскопиялық және геномдық тіркеу туралы» Қазақстан Республикасының 2016 жылғы 30 желтоқсандағы Заңының талаптарын іске асыру шеңберінде Қазақстан Республикасы Ішкі істер министрлігі дактилоскопиялық және геномдық тіркеуді жүзеге асыруға тағайындалған «Тұлғаны биометриялық сәйкестендіру» автоматтандырылған ақпараттық жүйесін құру мәселелерін талқылауда», - делінген ҚР ІІМ-нің Facebook-тегі парақшасында.
Жобаны іске асырудың жоспарланған кезеңі - 2018-2021 жылдар.
Осыған байланысты, дактилоскопиялық есеп және геномдық тіркеу жүйелерін әзірлеу мен енгізу саласында тәжірибелі компаниялар шақырылады.
«Бастапқы кезеңде ұсынылған шешімдерге бағалау жүргізіледі (бағдарламалық қамтамасыз ету, серверлік және арнайы жабдықтау, жүйенің жалпы сәулеті).
Барлық ұсынылған шешімдерді Қазақстан Республикасының мүдделі мемлекеттік органдары өкілдерінен құрылған жұмыс тобы қарастырады және бағалайды.
Ұсынылған шешімдерді бағалау нәтижелері бойынша Қазақстан Республикасының қолданыстағы заңнамасына сәйкес конкурстық процедураларға қатыса алатын компаниялардың тізімі құрылады.
Қосымша ақпарат алу, сондай-ақ ұсыныстарды қарау мерзімдері мен уақытын келісу үшін төмендегі адамдармен байланысқа шығу қажет», - делінеді хабарламада.