Тұман түсіп, жел күшейеді: 30 қаңтарға арналған ауа райы болжамы
05:30, 30 Қаңтар 2025
АСТАНА. KAZINFORM – «Қазгидромет» РМК 30 қаңтардағы ауа райы болжамын жариялады.
Республиканың басым бөлігінде қар, кей аумақтарда қар аралас жаңбыр жауады.
Күндіз еліміздің оңтүстік-шығысында қалың қар күтіледі. Тек Қазақстан Республикасының батысы мен оңтүстік-батысында қарсыз ауа райы сақталады.
Қазақстан бойынша жел күшейіп, бұрқасын жүреді. Тұман түсіп, көктайғақ болады.
Еске сала кетейік, бұған дейін ауа райына байланысты үш облыста жол жабылатынын хабарлаған едік.