«Тұмар» телевизиялық сыйлығынан 214 жұмыс үмітті
10:35, 10 Наурыз 2017
АСТАНА. ҚазАқпарат - «Тұмар» телевизиялық сыйлығынан 214 жұмыс үмітті. Бұл жайында ҚР Ақпарат және коммуникациялар министрі Дәурен Абаев өзінің Фейсбуктегі парақшасында мәлім етті, деп хабарлайды ҚазАқпарат.
«Қымбатты достар, 7 наурызда «Тұмар» телевизиялық сыйлығы үшін өтініштер қабылдау аяқталды. Бұған дейін айтылғандай, бұл жобаның мақсаты - журналистер қауымын шығармашылық ізденіске ынталандырып, осы саланың дамуына серпін беру. Сонымен, 12 аталым бойынша еліміздің түкпір-түкпірінен барлығы 214 жұмыс келіп түсті. Алдағы уақытта бұл жұмыстар ақпарат саласындағы танымал тұлғалардан құралған қазылар алқасының іріктеуінен өтеді. Ал, марапаттау рәсімі 17 наурызға белгіленіп отыр», - деп жазды министр.