ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы түсірген «Түн құдайы» фильмі Сахалин Халықаралық «Жер қиыры» («Край света») кинофестивалінің байқаудан тыс «Көршілер/Достар» атты бағдарламасында көрсетіледі. Фестиваль Оңтүстік Сахалинде тамыздың 24-31 аралығында Сахалин губернаторының қолдауымен өткізілмек.
«Түн құдайынан» бөлек, «Жер қиырының» негізгі байқауында режиссер Ержановтың тағы «Әлемнің мейірімді енжарлығы» атты фильмі де қатысады», - делінген хабарламада.
Ал туындысы халықаралық кинофестивальде көрсетілгелі отырған Әділхан Ержановтың айтуынша, негізгі ұйымдастырушылар байқауға дәстүрлі «кинотілде» түсірілген фильмдерді қабылдайды.
«Әлемнің мейірімді енжарлығы» фильмі осы форматқа сәйкес келеді. Ал «Түн құдайы» - сюжет логикасын елемей, образ тазалығын көрсетуге тырысқан эксперименталды бағыттағы фильмім. Қатарынан екі фильмім фестивальге қатысып отырғаны қуаныштымын, өйткені олар формасы мен мазмұны жағынан бір-біріне қайшы», - дейді режиссер.