НҰР-СҰЛТАН. ҚазАқпарат – Премьер-лигада өнер көрсететін «Тұран» футбол клубының бас бапкері Сергей Когай қызметінен кетті, деп хабарлайды ҚазАқпарат тілшісі.
Түркістандық клубтың баспасөз қызметінен мәлім еткеніндей, тараптардың өзара келісіміне сәйкес қазақстандық маманмен келісімшарт мерзімінен бұрын үзілді.
Тағы бір қазақстандық маман Александр Кучма бас бапкер міндетін уақытша атқарушы болып бекітілді. Ол команданы 4 қыркүйек күні Шымкентте «Ордабасымен» өтетін ойынға дайындайды.
«Тұран» біріншілік кестесінде 16 ұпаймен 13-орында келеді, яғни қауіпті аймақта тұр.
Еске сала кетейік, бұдан бұрын «Қайратты» жеңген «Ақжайықтың» Қазақстан кубогының жартылай финалына шыққанын жазған болатынбыз.
Фото:instagram.com/fc.turan
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).