Жиын барысында комитет төрағасы Талғатбек Абайділдин Елбасы Нұрсұлтан Назарбаевтың биылғы Жолдауында қолжетімді тұрғын үй бағдарламасының жүзеге асырылуына ерекше назар аударылғанын айтып өтті.
«Тұрғын үймен қамту Президент алға қойып отырған әлеуметтік салада халықтың өмір сүру деңгейін арттырудағы басым бағыттардың бірі», -деді сенатор.
Сонымен қатар, кездесу барысында талқыланған заң жобасы шеңберінде Әкімшілік құқық бұзушылық туралы кодексіне, «Мемлекеттік бақылау және қадағалау туралы», «Тұрғын үй қатынастары туралы» заңдарға және «Қолжетімді тұрғын үй - 2020» бағдарламасына өзгерістер мен толықтырулар енгізу қажеттігі айтылды. Бұдан бөлек, құрылыс саласының нормативтік базасын реформалау, тұрғын үй-коммуналдық шаруашылығын дамыту қоры қызметінің перспективалары туралы да әңгіме өрбіді.