АСТАНА. KAZINFORM- ҚР Туризм және спорт министрі Ербол Мырзабосынов 5-ші Дүниежүзілік көшпенділер ойындары аясында қазақ күресінен өткен бәсекенің жеңімпаздарымен және жүлдегерлерімен кездесті.
Кешенді ойындардағы қазақ күресінен жарысқа әлемнің 41 елінен 274 спортшы қатысты. Жарыс бағдарламасына сәйкес, балуандар 16 салмақ дәрежесінде сынға түсті. Қазақ балуандарының еншісінде - 15 медаль (12 алтын, 1 күміс және 2 қола медаль) бар.
Министр кездесуде қазақ күресінің ардагерлері – Диханбай Биткөзов пен Марат Жақиттың төл күресімізге сіңірген еңбегін ерекше атап өтті
Кездесу соңында Ербол Мырзабосынов пен Олимпия ойындарының чемпиондары мен жүлдегерлері 8 салмақта жеңіске жеткен балуандарды жеңісімен құттықтады. Фото: ҚР Туризм және спорт министрлігі
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.