АСТАНА. KAZINFORM — Түркі мемлекеттері ұйымы (ТМҰ) өз туын ғарышқа жібереді. Бұл туралы ұйымның Бас хатшысы Кубанычбек Омуралиев Бішкекте өткен ТМҰ-ға мүше елдердің Қауіпсіздік кеңесі хатшыларының төртінші кездесуінің қорытындысы бойынша журналистерге мәлімдеді, деп жазды Kabar агенттігі.
Оның айтуынша, ТМҰ — түркі әлемінің мыңжылдық тарихына, мәдениетіне және мұрасына негізделген бірегей ұйым.
– Ұйым аясында сыртқы саясат, сауда, экономика, ауыл шаруашылығы, туризм және тіпті ғарышты қамтитын 40-тан астам платформа құрылды. Жақын арада біз ТМҰ туын түркі әлемінің бірлігінің символы ретінде ғарышқа жөнелтеміз, – деді Омуралиев.
Айта кетейік, бұған дейін Бішкекте Түркі мемлекеттері ұйымына мүше елдер діни көшбасшыларының кездесуі өткен болатын.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)