Кездесу барысында Сооронбай Жээнбеков Түркітілдес мемлекеттердің ынтымақтастық кеңесінің (Түркі кеңесі) Бас хатшысы Бағдат Әміреевті жаңа қызметке тағайындалуымен құттықтап, табыс пен жемісті еңбек тіледі. Өз сөзінде президент Қырғызстанның Түркі кеңесіне төрағалығы кезінде айтулы шаралар өткізуді жоспарлап отырғанын және жақсы бастамалар мен ұсыныстар үшін әрдайым ашық екенін атап өтті. Ол экономика саласындағы ынтымақтастық мәселелерін алдыңғы қатарға шығару қажеттігіне де тоқталды.
Сондай-ақ, президент қабылдауында Түркітілдес елдер Парламенттік Ассамблеясының (ТүркПА) Бас хатшысы Алтынбек Мамаюсупов та болды.
ТүркПА Бас хатшысы кездесуде түркітілдес мемлекеттер ынтымақтастығы процесінің оң динамикасын, парламенттік бағыттағы жұмыстың жанданып жатқанын атап өтті.