«Түркістан облысын дамытудың кешенді жоспары жобасында 10 денсаулық нысанын, оның ішінде Түркістан қаласында 7 және Арыс пен Сарыағаш қалаларында 3 нысан салу көзделген. YDA компаниясы Түркістан қаласында мемлекеттік-жекешелік әріптестік аясында 570 төсек-орынға арналған облыстық көбейінді аурухан құрылысы жобасын іске асыруға қызығушылық танытып отыр. Мемлекеттік-жекеменшік әріптестіктің бұл жобасы республикалық деңгейде жүзеге асырылады және Түркістан облысында 2021-2025 жылдары әлеуметтік-экономикалық дамыту кешенді жоспарына қосылған. Облыс тұрғындарымен қонақтарына жоғары технологиялық қызмет көрсететін халықаралық деңгейдегі клиника салынатын болады», - деді ол.
Сонымен қатар ол 190 төсек-орынға арналған облыстық балалар ауруханасын салу да жоспарланып отырғандығын айтты.
Жалпы, Түркістан балалар ауруханасының ғимараты 2014 жылы салынған әрі санитарлық-гигиеналық нормаларға сай келеді.
Бірақ, құрамында хирургиялық бейіндегі мамандандырылған бөлімшесі, консультациялық-диагностикалық емханасы, диагностика бөлімшесі жоқ.
«Жоспарда Түркістан қаласында 500 келушіге арналған қалалық емхана құрылысы да қарастырылған. Қазіргі уақытта Б.Саттарханов шағын ауданында алғашқы медициналық-санитарлық көмек көрсететін нысан жоқ», - деді Алексей Цой.