Түркістан облысында «Адал жолды таңдаймыз» эстафетасының туы мақтааралдық жастарға табысталды
20:05, 07 Тамыз 2019
ШАРДАРА. ҚазАқпарат – Түркістан облысында «Адал жолды таңдаймыз» эстафетасының туы Мақтаарал ауданының жастарына табысталды. «Түркістан - Адалдық алаңы» Жобалық кеңсесімен бастау алған жастар арасындағы сыбайлас жемқорлыққа қарсы ұйымдастырылған марафон бұған дейін шағалалы Шардара ауданында өткен болатын, деп хабарлайды ҚазАқпарат тілшісі.
Айта кетейік, марафон аталған департаменттен бастау алып, әрі қарай Түркістан, Кентау қалалары мен Созақ, Бәйдібек, Отырар, Ордабасы, Сайрам, Түлкібас, Төлеби және Шардара аудандарында өтті. Марафон аясында түрлі бағыттағы іс-шаралар барлық аудан, қала жастарының белсенді қатысуымен ұйымдастырылды. Ал, марафонның жеңімпаздарын марапаттау рәсімі 9-шы желтоқсан Халықаралық жемқорлыққа қарсы күрес күні қарсаңында өтеді деп жоспарланған.