Төтенше жағдай Борылсай ауылдық округі мен Кеңсай елдімекенінде орын алған.
Облыстық ТЖД мәліметінше, өрт туралы хабарлама 23 шілде күні, сағат 18.56-да түскен.
«Бәйдібек ауданында екі бағыта: оңтүстік бағытта - 40 га және күншығыс бағытта - 45 га құрғақ шөп жанды. Өрттің жалпы аумағы 85 га құраған. Қатты жел мен ыстық ауа райының салдарынан өрт санаулы минуттарда ойлы-қырлы жерлерге тез тараған. Оны сөндіруге Бәйдібек аудандық № 34,10 өрт сөндіру бөлімдерінен 28 жеке құрам мен 2 техника, орман шаруашылығы бөлімінен 40 адам мен 2 техника және жергілікті тұрғындардан 10 адам жұмылдырылды. Өрт оңтүстік бағытта түнгі сағат 23:40-та оқшауланып, сағат 00:00-де толық сөндірілді. Ал, солтүстік бағытта сағат 00:03-те оқшауланып, таңғы сағат бесте толық сөндірілген» делінген хабарламада.
Тілсіз жаудан қайтыс болғандар мен зардап шеккендер тіркелмеген. Қазір өңірлік төтенше жағдайлар қызметінің өкілдері өрттің шығу себептерін анықтап жатыр.