Асхат Бейсенбаевтың айтуынша, қордың филиалы 81 медицина ұйымымен 130,6 млрд теңгенің келісімшартын жасаған. Бұл өткен жылы бөлінген қаржыдан 6 пайызға артқан. Қаржы - кепілдендірілген тегін медициналық көмекке (ТМККК) және МӘМС пакеттері шеңберіндегі қызметтерге бағытталады. Биыл мемлекеттік тапсырысты орындауға келісілген 81 медициналық ұйымның 40-ы жекеменшік клиника.
«Жалпы үш жылдан астам уақыт ішінде Түркістан облысынан түскен сома көлемі 12,6 млрд теңге болды. Оның ішінде, 9,2 млрд теңгесі жұмыс берушілердің аударымдары болса, қалған 3,5 млрд теңге – жеке кәсіпкерлер мен азаматтық-құқықтық келісімшарт негізінде еңбек ететін тұрғындарға тиесілі. Ал, өзін өзі жұмыспен қамтығандар 52 015 теңге бірыңғай жиынтық төлемін төлеген», – деді, Асхат Асанұлы.