ТҮРКІСТАН. ҚазАқпарат - Түркістан облысында полиция қызметкерлері жол-көлік оқиғасынан қаза тапқандарды еске алып, құран бағыштады, деп хабарлайды ҚазАқпарат тілшісі.
Қараша айының үшінші жексенбісі - Дүниежүзілік жол-көлік апатынан қаза болғандарды еске алу күні болып бекітілген.
Бұл күнді атап өтудегі мақсат – жол апатынан ажал құшқан марқұмдарды еске алып, өзгелерді де жолдағы апаттардан сақтандыру.
Осы орайда Түркістан облысы полиция департаментінің жергілікті полиция қызметіне бағынысты патрульдік полиция батальонының жеке құрам қызметкерлері жол-көлік оқиғасынан қаза тапқандарды еске алып, құран бағыштады.
Сонымен қатар, жол бойында жүргізушілерге бауырсақ таратып, жол жүрісі ережелерін қатаң сақтау керектігін ескертті.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.