ТҮРКІСТАН. ҚазАқпарат- Түркістан облысында соңғы тәулікте коронавирус инфекциясымен науқастанушылар тіркелмеді, деп хабарлайды ҚазАқпарат тілшісі.
Жалпы өңірде пандемия басталғалы індеттің 18 465 жағдайы тіркелді. Оның 9584-де симптом байқалмаған.
Облыстағы инфекциялық стационарларда 900 төсек-орын жасақталып тұр. Қазіргі таңда 774 төсек-орын бос.
Облыс аумағында 150 екпе қабылдау бекеті жұмыс істейді.
Бірінші компонентпен 1 047 304 адам вакцина салдырса, екінші құрамды 1 045 287 адам қабылдаған.
423 234 тұрғын ревакцинацияны жасатқан.
Ал, «Pfizer» вакцинасының І компонентін – 196 182 адам, II компонентін – 149 251 адам қабылдаған.
Соңғы тәулікте зертханаларда 1266 адам тексеруден өткен.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.