Бұл туралы ҚазАқпарат ҚР Төтенше жағдайлар министрлігінің баспасөз қызметіне сілтеме жасап хабарлайды.
Экология, геология және табиғи ресурстар министрлігі Су ресурстары комитетінің Сырдария бассейндік инспекциясының деректеріне сәйкес, Сауран ауданының 8 су қоймасының және Созақ ауданының аумағындағы 13 су қоймасының жай-күйі жарамды деп бағаланады және оларда көлемнің шамамен 20-25 пайызы жинақталған. Қаратау бөктерінде қардың жинақталған қоры 4-6 см.
Жыл басынан бері барлығы 13 аэровизуалды ұшу жүргізілді. Түркістан облысының Төтенше жағдайлар департаменті су тасқыны қаупі бар кезеңде су қоймаларының гидротехникалық құрылыстарының жай-күйін және олардың жұмыс режимін тұрақты бақылауда ұстайды.
Фото: gov.kz