ТҮРКІСТАН. ҚазАқпарат - Түркістан облысы «Мал ұрысы» жедел алдын алу шарасы барысында полиция қызметкерлері 10 қылмысты ашты. Ұрланған 50-ден астам мал иелеріне қайтарылды, деп хабарлайды ҚазАқпарат тілшісі.
Мәселен, жедел-іздестіру шаралары барысында тәртіп сақшылары Бәйдібек ауданынан мал ұрысын ұстады. Ол ұрлаған үш қойды сатып, түскен ақшаны өз қажеттілігіне жұмсаған. Қазіргі уақытта күдіктіге қатысты Қылмыстық кодекстің 188-1-бабы «Мал ұрлығы» бойынша сотқа дейінгі тергеу жүргізіліп, жиналған материалдар заңды шешім қабылдау үшін сотқа жолданды.
Сондай-ақ, «Мал ұрысы» жедел алдын алу іс-шарасы кезінде тәртіп сақшылары 16 жергілікті тұрғынның жоғалған қойларын жайылымнан тауып берген.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.