Түркістан облысында жанар-жағармай бағасы тұрақты
Өңірде АИ-92 маркалы бензинге деген қажеттілік наурыз айына 26 000 тоннаны, ал дизель отынына 28 000 тоннаны құраған. Қазіргі кезде бекеттердегі қалдық қоры жеткілікті.
Бұл туралы облыстық инвестиция және экспорт басқармасы басшысының орынбасары Нұргүл Әбдіразақова айтып өтті.
«Облыста күнделікті жанар-жағар май құю бекеттеріндегі бағалар бойынша мониторинг жүргізілуде. Егер бағаны негізсіз көтірген бекеттер анықталса шара көріледі. Өңірдегі жанар жағар май бағасы үкіметпен бекітілген шекті бағадан аспайды және жетіспеушілік салдары байқалмайды», - деді ол.
Жалпы Түркістан облысы аумағында өткен жылмен салыстырғанда АИ-92 бензинінің орташа бағасы 20,8%, дизель отыны 28%, АИ-95 бензинінің орташа бағасы 24% өскен. Дегенмен, шекті бағадан аспаған.
«Әлемдегі орын алып жатқан жағдайға байланысты біздегі жанар жағар май бағасы өседі деген қауіп жоқ. Жағдай ҚР Энергетика министрлігінің негізі бақылауында. Ешқандай алаңдаушылық тудырып отырған жоқ», - деді Нұргүл Пердебайқызы.
Бүгінгі таңда өңірдегі жанар-жағар май құю бекеттерінде бір литр АИ-92 маркалы бензин 174,2 теңгеден, АИ-95 бензині 205,6 теңгеден сатылуда. Ал, дизельді отынның бағасы - 224,9 теңгені кұрайды. Ал, ірі жанар-жағар май құю бекеттерінде АИ-92 бензиннің бағасы 175-179 теңге, дизельді отын 225-230 теңге аралығында сатылып жатыр.