14:23, 04 Мамыр 2023

Түркістан облысындағы дауылды жел: Жарық өшіп, мектептер онлайнға көшті

ТҮРКІСТАН. ҚазАқпарат - Түркістан облысында қатты желден үйлердің шатыры ұшып, сабақтар онлайн форматқа ауыстырылып жатыр, деп хабарлайды ҚазАқпарат тілшісі.

Түркістан облысында апта басталғалы жел тоқтамай тұр. Бүгін желдің жылдамдығы күшейе түсті. Салдарынан үйлердің шатыры ұшып, оқушылар қашықтан білім алуға көшіріліп жатыр.

Түркістан облысы Төтенше жағдайлар департаментінің мәліметінше, өңірдегі 4 ауданда 14 612 абонент жарықсыз отыр. Оның ішінде Кентау қаласында - 1420, Бәйдібек ауданында - 9061, Сайрамда - 200, Сауранда - 3931 абонент бар. Қазіргі кезде «Оңтүстік Жарық Транзит» ЖШС мамандары жөндеу-қалпына келтіру жұмыстарын жүргізіп жатыр.Қатты желдің әсерінен Кентау қаласында мектеп пен «Қазақтелеком» мекемесінің шатыры ұшып кеткен. Бастауыш сыныптар онлайн режимге көшті.


Аймақ Ауа райы Мектеп Оқиға Түркістан облысы Төтенше оқиғалар, апаттар
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.