Тәртіп сақшылары малдардың иесін табу үшін жан-жаққа хабар жібереді. Төрт түлігін жоғалтқан азаматтарды ауылдардан, көрші аудандардан іздестірген. Араға екі апта салып малдың иесі табылды. Ол Кентау қаласының тұрғыны екені анықталды. Белгілі болғандай, мал иесі жылқыларын жоғалтқаны жөнінде полицияға хабар бермепті. Өзі тауып аламын деп ойлаған. Дегенмен полицейлер оның расында да мал иесі екенін анықтап болған соң ғана жылқыларды қайтарған.
Түркістандық тәртіп сақшылары жергілікті тұрғындардың малдарына тиісті дәрежеде қарамайтынын, соның салдарынан жоғалтып, ұрлатып жататынын айтады. Мәселен, жуырда ғана «малым жоғалды» деген тағы бір азаматтың сиыры жайылымнан 1,5 шақырым қашықтықтағы егіндіктен табылған.