Түркістан қаласындағы сайлау учаскелері таңғы 07:00-ден сайлаушыларды қабылдауда. Комиссия мәліметінше, алғашқы сағатта 3 мыңнан астам түркістандық өз таңдауын жасап үлгерген.
«Жалпы Түркістан қаласында дауыс беру құқығына ие 121 405 тұрғын бар.
Алғашқы болып дауыс берген белсенді азаматтарға сайлау учаскелерінде сый-сияпат жасалып, мерекелік құттықтаулар ұйымдастырылды», - делінген Түркістан облысы әкімінің баспасөз қызметі таратқан хабарламада.
Айта кетейік, бүгін елімізде Парламент Мәжілісінің және жергілікті мәслихаттар депутаттарын кезектен тыс сайлау өтіп жатыр.