ТҮРКІСТАН. ҚазАқпарат- Түркістанда лифті шахтасына құлап, мерт болған болған кейуананың өліміне қатысты сотқа дейінгі тергеу жүргізілуде, деп хабарлайды ҚазАқпарат тілшісі.
Қазіргі таңда оқиғаның мән-жайы анықталып жатыр. Сотқа дейінгі тергеу амалдары да жүріп жатыр.
«Аталған жағдай Түркістан қалалық полиция басқармасына ҚР ҚК-нің 278-бабы 2-бөлігі «Абайсызда адам өлiмiне немесе өзге де ауыр зардаптарға әкеп соққан іс-әрекеттер» бойынша тіркелді. Сараптамалар тағайындалды. Оның нәтижелері бойынша құқықтық баға берілетін болады»-делінген Түркістан облысы полиция департаментінің баспасөз қызметі таратқан ақпаратта.
Айта кетейік, бүгін таңертең Түркістанда 74 жастағы әйел лифт шахтасына құлап, мерт болғанын жазған болатынбыз.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.