«Түркияның бейбітшілік жолында әрқашан бір қадам алда болатынына ешкім күмән келтірмесін. Біздің мақсатымыз – Эгей теңізінің бүкіл байлығын әділ түрде бөлісу. Эгей – достық теңізі. Түркия осыған ұмтылуда. Біз көршіміз Грекияға шын жүректен достық қолын созамыз», - деді министр.
Оның айтуынша, Анкара Афинымен қарым-қатынасында халықаралық құқықты құрметтеу мен әрқашан тату көршілік принципінің үстемдігін жақтайды.
Түрік әскери ведомствосының басшысы екі ел арасындағы диалогты дамыту маңыздылығына тоқталды. Бұл ретте ол грек тарапын осы бағытта белсенді қадамдар жасауға үндеді.