АСТАНА. KAZINFORM — Түркияның мемлекеттік мұнай компаниясы — TPAO Қара теңіздегі жаңа мұнай кен орнын игеруге лицензия алу үшін өтініш берді, деп хабарлайды Kazinform агенттігі АЗЕРТАДЖ-ға сілтеме жасап.
Тиісті құжат 25 қыркүйекте Түркия үкіметінің ресми басылымы Resmi Gazete-де жарияланды.
Мұнай кен орны Қара теңіздегі шекараны межелеу туралы екіжақты келісімдермен айқындалған теңіз юрисдикциясы аумағындағы айрықша экономикалық аймақта және континенттік қайраңда орналасқан.
Еске салайық, бұған дейін Сауд Арабиясы корольдіктің стратегиялық экспорттық бағыты саналатын «Шығыс – Батыс» мұнай құбырының жұмысын қайта бастағанын жазғанбыз. Бұл әлемдік нарыққа мұнай жеткізуге қатысты алаңдаушылықты азайтты
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.