АСТАНА. ҚазАқпарат - Түркия мен Әзербайжан Еуропалық одаққа әзербайжандық газ тасымалданатын құбырдың құрылысын жандандырмақ. Бұл туралы Бакуде Әзербайжан Президенті Ильхам Әлиев пен Түркия Премьер-Министрі Реджеп Тайып Ердоған келісті, деп жазады шетелдік БАҚ.
Жоспар бойынша жоба 2018 жылдан бастап іске қосылады. Бастапқыда газ құбыры Әзербайжаннан ЕО-ға жыл сайын 10 млрд. текше метр газ өткізсе, кейіннен оның көлемін үш есеге арттыру көзделіп отыр.
Тиісті келісімге Баку мен Анкара 2012 жылы қол қойған еді. Алайда ЕО-ның ресейлік энергия тасымалдаушыларына балама таңдау іздеудің салдарынан Түркия мен Әзербайжан бұл жұмысты жеделдетуге уағдаласты.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.